tuàn-liēn hièⁿ-seⁿ, àiⁿ-chhì in chhin-chhiẽⁿ chhi`-kim hièⁿ-seⁿ, in chiũ pit u-khiû uá-kâi miâⁿ, uá chiũ thiaⁿ in; uá àiⁿ-tàⁿ, Chí-kâi sĩ uá-kâi mīn, in chiũ àiⁿ-tàⁿ, Iâ-hô-hûa sĩ uá-kâi Siãng-tì.
14
Ũ Iâ-hô-hûa che̍k-kâi ji̍t-khî àiⁿ-kàu, nâng só chhiéⁿ-pak lṳ́ kâi mue̍h in tõ lṳ́ lãi--tang chiũ àiⁿ pun. [2] In-ũi uá àiⁿ tsũ-chip chèng lie̍t-pang lâi Iâ-lũ-sat-léng cheⁿ-chièn; siâⁿ chiũ pit phah-phùa, tshù-ok pit pĩ chhiéⁿ-to̍h, hũ-nńg iâ pit pĩ tiam-u; siâⁿ--tang che̍k-pùaⁿ iā pit tshut--khṳ̀ pĩ lû-lia̍h, láu-tshûn kâi peh-sèⁿ tõ siâⁿ--tang iā pit bô tṳ̂-tso̍h.
[3] Iâ-hô-hûa chiũ pit àiⁿ tshut--khṳ̀, kāng hṳ́ hùaⁿ-kâi lie̍t-pang cheⁿ-chièn, chhin-chhiẽⁿ I tsá tõ kau-chièn kâi ji̍t ũ cheⁿ-chièn hièⁿ-seⁿ. [4] Tõ hṳ́-ji̍t I kâi kha iā pit khiã tõ Kaⁿ-náⁿ suaⁿ téng, chiũ-sĩ kāng Iâ-lũ-sat-léng tùi-mīn, tõ i
