hûa iā chiang-àiⁿ tsò uâng tõ tshuân-tī tsṳ-chiēⁿ: tõ hṳ́-ji̍t Iâ-hô-hûa chiũ chiang-àiⁿ tsò to̍k-it kâi, [10] I kâi miâⁿ iā chiũ to̍k-it. Tshuân-tī iā chiũ pièn-tsò chhin-chhiẽⁿ A-la̍h-pa, tsṳ̃ Ki-pa thàng-kàu Iâ-lũ-sat-léng nâm-pôiⁿ kâi Lîm-mn̂g; Iâ-lũ-sat-léng chiũ pit àiⁿ kṳ́-khí, chiũ kṳ tõ ka-kī kâi ūi, tsṳ̃ Piẽn-iá-mién mn̂g chì-kàu soiⁿ-tsôiⁿ ũ mn̂g kâi tī-ũi, thàng-kàu kak-thâu kâi mn̂g, iā tsṳ̃ Hap-ná-ngia̍p kâi lâu chì-kàu nâng kâi chiú-tsa̍h. [11] Nâng chiũ àiⁿ khiã-khí tõ khî-tang, íⁿ-ãu iā bô siũ chiù-tsūa; Iâ-lũ-sat-léng chiũ ún-tǹg khiã-khí.
[12] Huâm ũ kāng Iâ-lũ-sat-léng kau-chièn kâi chèng mîn-tso̍k, Iâ-hô-hûa pit àiⁿ chiang chí-kâi tsai-hũa lâi kong-khek in: chiũ-sĩ in sang-kha huân-liáu khiã tõ-kò in-kâi ne̍k chiũ àiⁿ mî-nūa, in sang-ma̍k iā mî-nūa tõ in-kâi ma̍k-khuang tói, in-kâi chi̍h iā mî-nūa tõ in-kâi tshùi-tói.
