[13] Iáu tõ hṳ́-ji̍t pit ũ tūa kia-luãn tshông-tõ Iâ-hô-hûa lâi kàng-ki̍p tõ khî-tang; pí-tshṳ́ chiũ pit kak-kak khím tâng-phũaⁿ kâi chhiú, kak-kak iā chiũ kṳ́-chhiú lâi kong-khek tâng-phũaⁿ kâi chhiú. [14] Iû-tã iā chiũ pit cheⁿ-chièn tõ Iâ-lũ-sat-léng; sì-chiu-ûi chèng lie̍t-pang kâi tshâi-mue̍h iā pit tsũ-chi̍p, ũ kim, ũ ngṳ̂n, ũ i-ho̍k, chì-kàu sĩm-tsōi. [15] Kãu bé kâi tsai-hũa iā pit àiⁿ chièⁿ-seⁿ, kũa lô, lo̍h-tho̍h, lṳ̂, kũa tõ chí tsùaⁿ-kâi iâⁿ-pûaⁿ--tang só-ũ che̍k-khài kâi cheng-seⁿ, i-kâi tsai-hũa iā chiũ chhin-chhiẽⁿ chí-kâi tsai-hũa.
[16] Iáu soiⁿ lâi phah Iâ-lũ-sat-léng tsuàⁿ-kâi lie̍t-pang só lâu-tshûn kâi chèng-nâng, chiũ che̍k-nîⁿ kùe che̍k-nîⁿ àiⁿ chiẽⁿ-khṳ̀ kũi-pài Uâng, chiũ-sĩ buān-khûn kâi Tsú Iâ-hô-hûa, kũa lâi-siú tah-liâu kâi tsoih.
[17] Iáu huâm tī-chiẽⁿ kâi ke jia̍k-sĩ ũ
