nâng m̃ lâi-chiẽⁿ Iâ-lũ-sat-léng lâi kũi-pài Uâng, chiũ-sĩ buān-khûn kâi Tsú Iâ-hô-hûa, chiũ pi̍t bô lo̍h-hõu khṳt in.
[18] Iā tháng-jia̍k Ai-ki̍p kâi ke m̃-chiẽⁿ, m̃-lâi, in iā chiũ bô; iáu chiũ ũ tsai-hũa, chiũ-sĩ Iâ-hô-hûa só àiⁿ-ēng lâi kong-khek chèng lie̍t-pang, chiũ-sĩ bô chiẽⁿ lâi-siú tah-liâu tsoih kâi. [19] Chí-kâi pit sĩ Ai-ki̍p kâi hêng-hua̍t, kũa huâm m̄ chiẽⁿ lâi siú tah-liâu tsoih kâi chèng lie̍t-pang kâi hêng-hua̍t.
[20] Tõ hṳ́-ji̍t tõ chèng-bé kâi bé-long pit siá ũ, Siàⁿ-kiet lâi kui-so̍k Iâ-hô-hûa, kâi jī-iēⁿ; siãng-chhiáⁿ tõ Iâ-hô-hûa kâi tshù-lãi hṳ́ hùaⁿ-kâi ue-puah, chiang-àiⁿ chhin-chhiẽⁿ tûaⁿ-tsôiⁿ kâi uáⁿ hièⁿ-seⁿ. [21] Siãng-chhiáⁿ thong Iâ-lũ-sat-léng kũa Iû-tã kâi ue-puah, kak-kak iā chiũ tsò siàⁿ-kiet kâi lâi kui-so̍k buān-khûn kâi Tsú Iâ-hô-hûa: huâm lâi hièn-chì kâi chèng-nâng iā pit àiⁿ lâi tshú chí-kâi,
