Iâ-hô-hûa só-tàⁿ. Nā-sĩ nín tàⁿ, Uń tõ-tî-kò ũ tàⁿ lṳ́, né?
[14] Nín ũ tàⁿ, Ho̍k-sṳ̃ Siāng-tì sĩ thû-lâu; siãng-chhiáⁿ ún ũ siú I só hun-hù kâi, iā ũ tùa-hà lâi-kiâⁿ tõ buān-khûn kâi Tsú Iâ-hô-hûa kâi mīn-tsôiⁿ, iáu ũ sĩ-mih iah, né? [15] Taⁿ nán iũ sĩ kiè hṳ́-khí kiau-ngāu kâi nâng tsò ũ hok; siãng-chhiáⁿ in tsò-ak kâi iā ũ tit-tie̍h kiẽn-sêng; in siāng-chhiáⁿ sĩ chhì Siãng-tì, iáu tit-tie̍h thut-mién. [16] Tõ hṳ́-kˆī sî-hāu in kèng-ùi Iâ-hô-hûa chiang-hīⁿ thiaⁿ, chiũ thiaⁿ-kìⁿ, iā ũ kì-lo̍k kâi tsṳ siá tõ I mīn-tsôiⁿ, sĩ ũi-tie̍h in kèng-ùi Iâ-hô-hûa kũa sṳ-liãm I kâi miâⁿ kâi chèng-nâng. [17] Buân-khûn kâi Tsú Iâ-hô-hûa tàⁿ, In chiũ pit àiⁿ-tsò uá-kâi, chiũ-sĩ tsò tshâi-pó, tõ uá tsò-sṳ̄ kâi ji̍t; uá chiũ àiⁿ liẽn-sieh in, chhin-chhiẽⁿ nâng kâi kiáⁿ ho̍k-sṳ̃ i, i chiũ liẽn-sieh i hièⁿ-seⁿ.
