[18] Tõ hṳ́-kâi sî-hāu nín pit àiⁿ kui-tńg chiũ thóiⁿ-tshut ngī--chiá kũa ak--chiá ũ hun-pie̍t, kũa ho̍k-sṳ̃ Siãng-tì kũa bô ho̍k-sṳ̃ I kâi iā ũ hun-pie̍t.
4
In-ũi, nín thóiⁿ! hṳ́-ji̍t àiⁿ-kàu, iām-jie̍t chhin-chhiẽⁿ lôu hièⁿ-seⁿ; huâm kiau-ngãu kâi, kũa tsò-ak kâi, lóng-tsóng pit chhin-chhiẽⁿ be̍h-kó: chiang-àiⁿ kàu kâi ji̍t chiũ pit sie-tiãu in, sái in kṳn-pún kũa ki-búe tsn̂g-kâi bô-tshûn, sĩ buān-khûn kâi Tsú Iâ-hô-hûa só-tàⁿ.
[2] Nā-sĩ nín kèng-ùi núa-miâⁿ kâi nâng pit àiⁿ tit-tie̍h kong-ngĩ kâi ji̍t-thâu tshut--lâi chiè nín, i-kâi si̍t-ẽ ũ ui-tî kâi kong-hãu; nín chiũ àiⁿ tshut-khṳ̀ thiàu-iak, chhin-chhiẽⁿ tshut gû-pâng kâi gû kiáⁿ hièⁿ-seⁿ. [3] Nín chiũ lūn-ta̍h ak-nâng, in-ũi tõ uá tsò-sṳ̄ kâi ji̍t in pit àiⁿ tsò hue-hu tõ nín-kâi kha-tói ẽ, sĩ buān-khûn kâi Tsú Iâ-hô-hûa só-tàⁿ.
