[28] Nín tsò-nî-siẽⁿ, né? Ũ che̍k-kâi-nâng ũ nõ-kâi-kiáⁿ; bûa--khṳ̀ kāng chiáng-tsṳ́ tàⁿ, Nôu a, kim-ji̍t khṳ̀ phû-thô-hn̂g tsoh-kang. [29] I ìn--tàⁿ, Uá m̃: āu--liáu siẽⁿ-hùe, chiũ khṳ̀. Iā bûa--khṳ̀ tõiⁿ-jĩ kâi, iũ sĩ chièⁿ-seⁿ tàⁿ. [30] I ìn--tàⁿ, Tsú a, uá lâi-khṳ̀: liáu bô-khṳ̀. [31] Chí-nõ-nâng tî-che̍k-kâi sĩ tsun i-pẽ kâi mẽng, né? In tàⁿ, Sĩ chiáng-tsṳ́. Iâ-sou tùi-in tàⁿ, Uá khak-sit kāng-nín tàⁿ, Tsùaⁿ-kâi sùe-lī kũa chhiang-kĩ soiⁿ-kùe-nín ji̍p Siãng-tì kok. [32] Uân-khî Iak-hân tùi ngĩ kâi lōu lâi-chiũ--nín, nín m̃-sìn i; nã-sĩ tsùaⁿ-kâi sùe-lĩ kũa chhiang-kĩ ũ-sìn i: siãng-chhiáⁿ nín, thóiⁿ-kùe chí-kâi-sṳ̄, ãu huân-bô siẽⁿ-hùe lâi-sìn i.
[33] Tsài-thiaⁿ ke che̍k-kâi phì-zũ: Ũ che̍k-kâi-nâng sĩ tsò ke-tsú kâi, chèng phû-thô-hn̂g, siet-lî lâi-ûi, hṳ́-tói ku̍t ũ chiú-tsa̍h, kũa khí kâi kûiⁿ-lâu, tsou pun hn̂g-tõiⁿ, iáu chiũ kùe-kok. [34] Kúeⁿ-khî chiang-kṳ̃n àiⁿ-kàu, chiũ sái i-kâi po̍k-jîn khṳ̀ hn̂g-tõiⁿ--kò siu i-kâi kúeⁿ-chí. [35] Hn̂g-tõiⁿ chiũ chiang hṳ́-kâi-po̍k, phah--che̍k-kâi, suah--che̍k-kâi, chie̍h ka̍k--che̍k-kâi. [36] Iũ sái pa̍t-kâi po̍k-jîn, pí soiⁿ zú-tsõi: hn̂g-tõiⁿ iā-sĩ hièⁿ-seⁿ khuán-thãi in. [37] Aũ-liáu chiũ sái ka-kī kâi kiáⁿ khṳ̀ in--kò, siẽⁿ--tàⁿ, In pit-tiāⁿ kèng uá-kâi-kiáⁿ. [38] Nā-sĩ hn̂g-tõiⁿ thóiⁿ-kìⁿ i-kâi-kiáⁿ, chiũ kàu-niêeⁿ tàⁿ, Chí-kâi sĩ i-kâi ãu-sṳ̂; lâi-khṳ̀ suah i, liáu lâi kṳ̃-tìn i-kâi-ngia̍p. [39] Chiũ lia̍h i, léng-tshut hn̂g-gūa, suah-sí. [40] An-chièⁿ-seⁿ hn̂g-tsú lâi-kàu àiⁿ tsò-nî tshú-tĩ hṳ́-kâi hn̂g-tõiⁿ? [41] In chiũ tùi I ìn tàⁿ, I pit-tiāⁿ ēng tshám-hêng lâi tu-mi̍t hṳ́-kâi ak-nâng, chiang phû-thô-hn̂g tsou-kùe pa̍t-kâi hn̂g-tõiⁿ, in chiũ àn-khî na̍p tsú-jîn kâi kúeⁿ-chí. [42] Iâ-sou tùi-in tàⁿ, Nín kháu-sĩ m̄-pat-tha̍k--tie̍h siàⁿ-kiaⁿ só-tàⁿ,
Sai-pẽ-thâu só-khì-tiāu kâi chie̍h,
Chí-kâi sêng-tsò tshù-kak-thâu kâi chie̍h:
Chí-kâi-sṳ̄ sĩ tshông-tõ Tsú,
Nán thóiⁿ-tie̍h chiũ khî-ĩ?
[43] In-tshṳ́ uá kāng-nín tàⁿ, Siãng-tì kâi kok pit-tiāⁿ tshông-tõ nín--kò to̍h-tńg, lâi sṳ̀-pun õi kat-sêng i-kâi-kúeⁿ kâi mîn-tso̍k. [44] Nâng pua̍h-lo̍h tõ chí chie̍h-téng pit-tie̍h mî; chî-kâi-chie̍h put-lũn só-tãⁿ--tie̍h kâi pit-tiāⁿ tāⁿ
