Ha̍k-seng teh-sǹg ê sî, tio̍h ho͘ kóng, 7 kiám 6, sīn 1 kì 1. 9 kiám 2 sīn 7 , kì 7. 8 kiám 3, sīn 5, kì 5. 3 kiám 1, sīn 2, kì 2.
Ē-bīn chiah ê siàu tio̍h sûi-tiâu kiám khòaⁿ chhun jōa-tsōe.
- 5 kiám 3; 6 kiám 4; 8 kiám 3; 9 kiám 5; 11 kiám 8; 12 kiám 8.
- 23 kiám 11; 34 kiám 12; 57 kiám 24; 68 kiám 34; 96 kiám 51; 95 kiám 91; 86 kiám 85.
- Tùi 364 kiám 222; tùi 607 kiám 401; tùi 670 kiám 560; tùi 43105 kiám 21003.
- Só͘ pâi-lia̍t ê siàu tio̍h kiám:
7649 4227 ———— |
80546 73210 ————— |
97600 35200 ————— |
86976454 75716254 ———————— |
64375 33333 ————— |
Kiám-chhái ē-lia̍t ê ūi ū siàu khah tōa téng-lia̍t saⁿ-tùi ê ūi, bô kàu-gia̍h thang kiám, chīu tio̍h tùi chêng-ūi chioh-chi̍t hòa tsa̍p lâi thiⁿ pún-ūi téng-lia̍t ê siàu, jiân-āu lâi kiám; só͘-chhun-ê kì lok pún-ūi ê hûn-ē, tùi chêng-ūi só͘ chioh ê chi̍t tio̍h hêng lâi thiⁿ chêng-ūi ê ē-lia̍t.
18629 9573 —————— 9056
Tùi 18629 kiám 9573; khòaⁿ kai chhun jōa-tsōe; tio̍h chiàu hoat-tō͘ pâi-lia̍t, u̍ih-hûn keh-kài; khòaⁿ toaⁿ-ūi ê 9 kiám 3, sīn 6, tio̍h kì 6 tī pún-ūi ê hûn-ē, tsa̍p ūi ê 2 kiám 7, bô kàu kiám, tio̍h tùi chêng-ūi chioh chi̍t hòa tsa̍p, thiⁿ chham tsòe 12, chīu sīn 5, lâi kì 5 lok hûn-ē; só͘ chioh ê chi̍t tio̍h thiⁿ hêng chêng-ūi ê 5 tsòe 6; taⁿ 6 kiám 6 sī tùi-tú, tio̍h kì 0 lok hûn-ē; 8 kiám 9, bô kàu kiám tio̍h tùi chêng-ūi chioh chi̍t hòa tsa̍p thiⁿ-chham tsòe 18, chīu sīn 9, lâi kì 9 lok hûn-ē; só͘ chioh ê chi̍t tio̍h thiⁿ hêng chêng-ūi ê ē lia̍t tsòe 1; taⁿ 1 kiám 1 sī tùi-tú, tio̍h kì 0 lok hûn-ē, nā-sī chīn-thâu ê ūi kì 0 bô lō͘-ēng, chiah m̄-sái kì: chīu tsai só͘ chhun chīu-sī 9056.
Ha̍k-seng teh-sǹg ê sî, tio̍h ho͘ kóng, 9 kiám 3, sīn 6, kì 6. 2 kiám 7, bô kàu kiám, chioh 10, 12 kiám 7, sīn 5, kì 5. 5 hoân 1 tsòe 6, 6 kiám 6 tùi-tú, kì 0. 8 kiám 9, bô kàu kiám, chioh 10, 18 kiám 9, sīn 9, kì 9. Hoân 1, 1 kiám 1, tùi-tú, m̄-sái kì.
