Siat-sú saⁿ-ê tsú-kheh khì bóe mî-hún. Chi̍t-lâng bóe tsa̍p-kun, tsa̍p-jī-niú; koh chi̍t-ê bóe poeh-kun, sì-niú, iū-koh chi̍t-ê, chhit-kun, la̍k-niú. Tiàm-kheh kiōng bōe-in jōa-tsōe?
Pâi-lia̍t hó, chīu niú, hit-tsōa siong-ka, tit-tio̍h jī-tsa̍p-jī.
Ēng bú ê hoat-siàu, tsa̍p-la̍k lâi pun, tek-it, chhun la̍k: kì la̍k chìn-it.
Kun, hit-tsōa siong-ka thiⁿ-chham só͘ chìn ê it, kiōng tit-tio̍h jī-tsa̍p-la̍k.
Piⁿ-thâu só͘ pâi-lia̍t, Che nn̄g tiâu-siàu kiōng jōa-tsōe?
Tùi-biáu, hit-tsōa khí: siong-ka, tit-tio̍h 95.
Ēng bú ê hoat-siàu, 60, lâi-pun; tit-tio̍h 1 chhun 35.
Kì 35, chìn 1.
Hun, hit-tsōa siong-ka, chham só͘-chìn ê it; tit-tio̍h 82.
Ēng bú ê hoat-siàu, 60 lâi-pun; tit-tio̍h 1, chhun 22.
Kì 22, chìn 1.
Tō͘, hit-tsōa siong-ka, thiⁿ-chham só͘-chìn ê 1; tit-tio̍h 46.
Ēng bú ê hoat-siàu 30 lâi-pun; tit-tio̍h 1, chhun 16.
Kì 16 chìn 1.
Kiong, hit-tsōa siong-ka, thiⁿ-chham só͘-chìn ê 1; tit-tio̍h 17.
Chi̍t-lé-pài, la̍k-ji̍t, tsa̍p-la̍k tiám-cheng, jī-tsa̍p-gō͘-hun, sì-tsa̍p-gō͘-biáu. kap chi̍t-lé-pài, chhit-tiám-cheng saⁿ-tsa̍p-sì-hun, jī-tsa̍p-gō͘-biáu, kiōng jōa-kú?
Biáu, hit-tsōa siong-ka, tit-tio̍h 60, tú-á chit-hun, bô-chhun. Kì 0 chìn 1. Hun, hit-tsōa siong-ka, thiⁿ-chham só͘-chìn ê 1; tit-tio̍h 60. Ēng bú ê hoat-siàu lâi-pun, tit-tio̍h 1, bô-chhun. Kì 0 chìn 1. Tiám-cheng, hit-tsōa siong-ka, thiⁿ-chham só͘-chìn ê 1; tit-tio̍h 24. Ēng bú ê hoat-siàu lâi-pun, tit-tio̍h 1, bô-chhun. Kì 0 chìn 1. Ji̍t, hit-tsōa siong-ka, thiⁿ-chham só͘-chìn ê 1; tit-tio̍h 7. Ēng bú ê hoat-siàu lâi-pun, titi-tio̍h 1, bô-chhun. Kì 0 chìn 1. Lé-pài, hit-tsōa siong-ka, thiⁿ-chham só͘-chìn ê 1; tit-tio̍h 3. Chek-siàu chīu-sī saⁿ-lé-pài.
Chiah-ê siàu ha̍k-seng tio̍h siong-ka.
- 4 niú 3 chîⁿ 8 hun, koh 1 niú liân 2 hun , koh 6 chîⁿ 3 lî 9 hô, koh 7 hun 6 lî 1 hô; kiōng jōa-tsōe? Tek 6・08.
- 10 kho͘ nn̄g-kak-pòaⁿ, 6 chiam-pòaⁿ, nn̄g-kak-sì-chiam, nn̄g-kho͘ liân chi̍t-chiam-pòaⁿ, kiōng jōa-tsōe? Tek 12・57.
