Siãng-tì kok, zú-kèng kōi. [25] Mn̂g-thû thiaⁿ-kìⁿ chí-kâi-ūe, tūa-ē khî-ĩ, chiũ tàⁿ, Hiá, chièⁿ-seⁿ tî-tiâng tit--tie̍h kiù, né? [26] Iâ-sou ma̍k thóiⁿ tùi in--kò khṳ̀, chiũ kāng-in tàⁿ, Tõ nâng chí-kâi-sṳ̄ sĩ put-lêng; nā-sĩ tõ Siãng-tì buān-sṳ̄ tou lêng.
[27] Pí-tit chiũ tùi Iâ-sou ìn--tàⁿ, Uń íⁿ-keng siá-tiāu che̍k-chhiet lâi tùe-tshông lṳ́; ún chiang-lâi ũ tit-tie̍h tî-kâi, né? [28] Iâ-sou chiũ kāng-in tàⁿ, Uá khak-si̍t kāng-nín tàⁿ, nín ũ tùe-tshông uá kâi, thãi-kàu tsài-seⁿ-tsãu kâi sî-hāu, Jîn-tsṳ́ tsõ tõ I iông-kuang kâi ūi, nín iā chiang-àiⁿ tsõ tõ tsa̍p-jī-ūi, sím-phuàn Íⁿ-sek-lie̍t tsa̍p-jī chiⁿ-phài. [29] Iā put-lũn tî-tiâng ũi-tie̍h uá-kâi-miâⁿ ũ lī-khui tshù-the̍h, ho̍k-sĩ tshân-hn̂g, chiang-lâi pit-tiāⁿ siũ peh-pũe, iũ tit--tie̍h ióng-seⁿ kâi ngia̍p. [30] Ũ ke-ke soiⁿ--kâi-nâng chiang-ài tsò búe-ãu, ke-ke búe-ãu--kâi-nâng chiang-àiⁿ tsò soiⁿ.
20
Uân-khî thien-kok sĩ chhin-chhiẽⁿ kâi ke-tsú, tsá-sîn tshut--khṳ̀ kòu kang-jîn ki̍p i-kâi phû-thô-hn̂g. [2] Kāng kang-jîn ieh-tiāⁿ che̍k-ji̍t che̍k-chîⁿ-ngṳ̂n, chiũ sái in ji̍p i-kˆī phû-thô-hn̂g. [3] Kàu sîn-sĩ-búe tshut--khṳ̀, iũ thóiⁿ-kìⁿ ũ nâng tõ koi-chhĩ ôiⁿ-khiã; [4] chiũ kāng-in tàⁿ, Nín iā hó-khṳ̀ phû-thô-hn̂g, só-eng-kai hôiⁿ--nín uá chiũ hôiⁿ--nín. Tsùaⁿ-nâng chiũ khṳ̀. [5] Ji̍t tàu kũa bī-sî-búe iũ-tsài tshut--khṳ̀, iã sĩ chièⁿ-seⁿ kiâⁿ. [6] Kàu sin-sî-búe iũ tshut--khṳ̀, iũ ngõ--tie̍h ũ nâng tõ-khiã; chiũ kāng-in tàⁿ, Nín tsò-nî thàng-ji̍t tõ-chí ôiⁿ-khiã, né? [7] In chiũ ìn--tàⁿ, In-ũi bô-nâng kòu--ún. Ke-tsú chiũ kāng-in tàⁿ, Nín iā hó-khṳ̀ phû-thô-hn̂g. [8] Ki̍p-kàu mê-hng, phû-thô-hn̂g kâi tsú-jîn tùi i-kâi tshâi-hù tàⁿ, Hàm hùaⁿ-kâi kang-jîn lâi, huat kang-chîⁿ hôiⁿ--in, tshông-tõ kiáu-búe--kâi soiⁿ-hôiⁿ, chì-kàu hṳ́-kâi thâu-pái--kâi. [9] Hṳ́-kâi sin-sî-búe tsôiⁿ-ãu chiàⁿ kòu--kâi lâi-kàu, kak-kak siũ che̍k-chîⁿ-ngṳ̂n. [10] Hṳ́-kâi thâu-pái kòu--kâi lâi, in pān só-siũ pit-tiāⁿ ũ ke; in iā sĩ kak-kak siũ che̍k-chîⁿ-ngṳ̂n. [11] Khie̍h-liáu chiũ uàn ke-tsú, liām--tàⁿ, [12] Uń thàng-ji̍t bûa-lâu kah-kiam siũ sú-jie̍t, in kiáu-
