búe kàu--kâi tuaⁿ-tuaⁿ tsoh pùaⁿ-kâi sî-sîn-kú, lṳ́ iā sī sái in kāng-ún pêⁿ-iēⁿ. [13] Ke-tsú tùi khî-tang che̍k-nâng tap--tàⁿ, Phêng-iú a, uá m̄-sĩ khut--tie̍h lṳ́: lṳ́ khá-m̄-sĩ kāng-uá ieh-tiāⁿ che̍k-chîⁿ-ngṳ̂n? [14] Hó khie̍h-khí lṳ́-kâi, tsò-lṳ́ khṳ̀. Uá àiⁿ-pun chí kiáu-búe--kâi, chhin-chhiẽⁿ pun lṳ́ che̍k-iēⁿ. [15] Uá chiang uá ka-kī-kâi kiâⁿ uá só-àiⁿ, sĩ m̄-ha̍h ngî, héⁿ? a-sĩ uá tsò siẽn-sṳ̄ lṳ́ thóiⁿ-tie̍h chiũ m̄-nguãn, héⁿ? [16] Chièⁿ-seⁿ kiáu-búe--kâi chiang-àiⁿ tsò thâu-soiⁿ, thâu-soiⁿ--kâi tsò kiáu-búe.
[17] Iâ-sou chiẽⁿ Iâ-lũ-sat-léng, lōu--tang tùa tsa̍p-jī mn̂g-thû, àm-chẽⁿ kāng-in tàⁿ, [18] Nán chiẽⁿ Iâ-lũ-sat-léng, Jîn-tsṳ́ chiang-àiⁿ pĩ-bõi pun chì-si chèng-thâu-nâng kũa tha̍k-tsṳ-nâng, in chiũ àiⁿ-ngí-tiāⁿ I tie̍h-sí; [19] iā àiⁿ kòi-pun ĩ-pang-nâng lâi bú-lõng, phûe-piⁿ phah, tèng tõ tsa̍p--jī kè, tõiⁿ-saⁿ-ji̍t I chiũ tit--tie̍h ho̍k-ua̍h.
[20] Si-pí-thài hùaⁿ-kâi-kiáⁿ kâi a-bó, kũa i-kâi-kiáⁿ tsò-pû lâi chiũ pái Iâ-sou, àiⁿ-khiû I che̍k-kiãⁿ-sṳ̄. [21] Iâ-sou mn̄g--i, tàⁿ, Lṳ́ àiⁿ tî-kâi? I chiũ tùi Iâ-sou tàⁿ, Sṳ̀-mẽng uá chí nõ-kâi-kiáⁿ tõ lṳ́-kâi-kok, che̍k-nâng tsõ tõ lṳ́ iũ-pôiⁿ, che̍k-nâng tõ lṳ́-tsó-pôiⁿ. [22] Iâ-sou chiũ ìn--tàⁿ, Nín só-khiû--kâi nín sĩ m̄-tsai. Uá chiang-àiⁿ-ím kâi pue, nín lêng-tit ím, mé? [23] In ìn--tàⁿ, Lêng--tit. Iâ-sou tùi-in tàⁿ, Uá-kâi-pue nín pit-tiāⁿ ím; tsóng--sĩ tsõ tõ uá kâi tsó-pôiⁿ kũa iũ-pôiⁿ, m̄-sĩ tshut-tõ uá õi-tit-sṳ̀ chí-kâi, zûi-sĩ uá Pẽ ṳ̃-pĩ àiⁿ-pun hṳ́-kâi-nâng, chiũ-sĩ pun hṳ́-kâi-nâng. [24] Tsa̍p-kâi mn̂g-thû thiaⁿ-kìⁿ chí-kâi-sṳ̄, chiũ tũa-ē m̄-huaⁿ-hí hṳ́ nõ-kâi hiaⁿ-tî. [25] Iâ-sou chiũ hàm mn̂g-thû bûa--lâi, chiũ tàⁿ, Nín tsai ĩ-pang-nâng kâi kun-uâng tsú-tsái in, in-kâi chiáng-chiá kuán-hat in. [26] Nín--tang m̄-hó chièⁿ-seⁿ-iēⁿ: nā-sĩ tõ nín--tang put-lũn tî-tiâng àiⁿ-tsò tūa, chiũ tie̍h-tsò nín-kâi sûi-hia̍h; [27] tõ nín--tang àiⁿ-tsò thâu--kâi tie̍h-tsò nín-kâi po̍k-hia̍h: [28] chhin-chhiēⁿ Jîn-tsṳ́ lâi m̄-sĩ àiⁿ-siũ nâng ho̍k-hia̍h, tin-tò sĩ àiⁿ ho̍k-hia̍h nâng, siãng-chhiáⁿ àiⁿ siá-tiāu ka-kī kâi sèⁿ-miāⁿ thòi tsōi-tsōi nâng tsò so̍k-hûe kâi kè.
[29] In tshut Iâ-lĩ-ko kâi sî-hāu, ũ tūa-khûn-nâng kṳn-tùe I. [30] Ngõ-tie̍h nõ-kâi chheⁿ-mêⁿ nâng tsõ tõ lōu-kîⁿ, thiaⁿ-
