tsai Iâ-sou keng-kùe, chiũ u-hàm, tàⁿ, Tsú a, liên-mién ún, Tã-phek kâi kiáⁿ-sun a! [31] Chèng-nâng tuah in tie̍h tiām-tiām; in chiũ zú-kèng u-hàm, tàⁿ, Tsú a, liên-mién ún, Tã-phek kâi kiáⁿ-sun a! [32] Iâ-sou khiã-tiām, kiè in lâi, mn̄g--tàⁿ, Nín àiⁿ uá kāng-nín tsò sĩ-mih-sṳ̄? [33] In tùi Iâ-sou tàⁿ, Tsú a, sĩ àiⁿ ún-kâi ma̍k-chiu khui-mêng. [34] Iâ-sou liên-mién, chiũ chhiú àn in-kâi-ma̍k, in sûi-chiet õi thóiⁿ-kìⁿ, chiũ tùe Iâ-sou.
21
Iâ-sou kũa mn̂g-thû chiang-kṳ̃n Iâ-lũ-sat-léng, chì-kàu Pek-huap-khî, tõ Kaⁿ-náⁿ suaⁿ, Iâ-sou chiũ sái nõ-kâi mn̂g-thû, kāng-in tàⁿ, [2] Nín tie̍h-khṳ̀ kàu nín tùi-mīn kâi hieⁿ-lí, sûi-chiet chiũ pit ngõ--tie̍h che̍k-chiah lṳ̂-bó pa̍k tõ-kò, iā ũ lṳ̂-kiáⁿ tsò-pû tõ--kò: kói-khui liáu khan i lâi uá--kò. [3] Tháng-jia̍k ũ nâng tsò-nî tàⁿ, nín chiũ hó ìn--tàⁿ, Sĩ Tsú àiⁿ-ēng i; i pit sûi-chiet chiũ pàng i lâi. [4] Ũ chí-kâi sṳ̄ sĩ lâi èng-ngiãm thoh tõ soiⁿ-tsai-nâng só-tàⁿ--kâi, chiũ-sĩ tàⁿ,
[5]
Tie̍h kàu-tsai Sûn kâi nńg-tsṳ́,
Lṳ́-kâi-uâng lâi-lîm lṳ́-kò,
Un-jiû, khiâ tõ lṳ̂-chiēⁿ,
Chiũ-sĩ tõ tsài-mue̍h kâi lṳ̂ só-seⁿ kâi lṳ̂-kiáⁿ.
[6] Mn̂g-thû chiũ khṳ̀, chiè Iâ-sou só hun-hù--kâi hièⁿ-seⁿ tsò, [7] khan hṳ́-kâi-lṳ̂ kũa lṳ̂-kiáⁿ, tshṳ in-kâi-saⁿ tõ nõ-chiah-lṳ̂ sin-chiẽⁿ, Iâ-sou chiũ khiâ--chiẽⁿ-khṳ̀. [8] Chèng-nâng tsṳ-tang, tsōi ũ chiang ka-kī kâi saⁿ tshṳ tõ lōu; iā ũ nâng tõ chhiū--kò tsám chhiû-ki phi tõ lōu--kò. [9] Kiâⁿ tõ Iâ-sou tsôiⁿ-ãu kâi chèng-nâng, u-siaⁿ tàⁿ, Tã-phek kâi kiáⁿ-sun, Buān-hok a: thoh Tsú-miâⁿ lâi--Kâi tit--tie̍h chheng-sõng; tõ chì-kûiⁿ kâi ūi Buān-hok a.
[10] Iâ-sou che̍k-ē ji̍p Iâ-lũ-sat-léng pìn-siâⁿ chiũ iâu-tõng, tàⁿ, Chiá sĩ tî-tiâng? [11] Hṳ́ chèng-nâng chiũ tàⁿ, Chí-kâi chiũ-sĩ hṳ́-kâi soiⁿ-tsai-nâng, Iâ-sou, tshông-tõ Ka-lĩ-lĩ kâi Ná-sat-le̍k lâi--kâi.
[12] Iâ-sou ji̍p Siãng-tì kâi tōiⁿ; tō tōiⁿ-lãi bói-bōi kâi nâng che̍k-khài to̍k-tshut, léng-tiāu táu-chîⁿ-nâng kâi tshn̂g, kũa bōi hún-chiáu in-kâi-íⁿ, chiũ tùi-in tàⁿ, [13] Kì-tsài ũ tàⁿ, Uá-kâi-tshù pit chheng-tsò khî-táu kâi tshù: nā-sī nín
